ཞོ་སྟོན་ཟེར་ཡག་དེ་ནི་ཟླ་བ་དྲུག་པའི་ཚེས་པ་༣༠་ཉིན་གར་འབྲས་སྤུངས་ལ་སྐྱོར་མོ་ལུང་བ་དང་། ཅུང་པ་བ། རྒྱང་དཀར་བ་ཅི་དག་གི་ལྷ་མོ་བ་ཚོས་ལྷ་མོ་གཟིགས་འབུལ་ཞུ་གི་ཡོད་རེད། བོད་ཟླ་བདུན་པའི་ཚེས་གཅིག་གི་ཉིན་ནས་ཚེས་པ་བཞི་བར་དུ་ནོར་བུ་གླིང་ཁར་ལྷ་མོ་ཚོགས་པ་རེ་རེ་ནས་ཉི་མ་རེ་རེ་རེ་མོས་བྱས་ནས་ཉིན་འཁྱོངས་ལྷ་མོའི་འཁྲབ་གཞུང་རེ་རེ་འཁྲབ་ཀྱི་རེད།


མིང་འབྱུང་ཚུལ། རྩོམ་སྒྲིག

ཞོ་སྟོན་ཞེས་པ་ནི་སྟོན་པ་ཐུབ་པའི་དབང་པོའི་བསྟན་པ་རིན་པོ་ཆེའི་བཞེད་སྲོལ་ལྟར་དགེ་འདུན་ གྱི་འདུས་སྡེ་རྣམས་དབྱར་གནས་ལ་བཞུགས་སྐབས་སུ་བདུད་དགའ་རབ་དབང་ཕྱུག་གིས་བསྟན་ པ་ལ་བར་ཆད་མི་འཇུག་པའི་ཆེད་བདུད་སྡེར་བྲོ་བ་བསྐྱེད་པའི་སླད་འདོད་ཆོས་དང་མཐུན་པའི་ རྣམ་པ་མངོན་གསལ་ཅན་ཞིག་སྟོན་དགོས་པ་སོགས་དགོས་པ་དུ་མ་ཡོད་ལུགས་དང་། ཤོད་སྲོལ ་གཞན་ཞིག་སྟེ་ནོར་གླིང་སྐལ་བཟང་ཕོ་བྲང་གསར་བཞེངས་སྐབས་སེ་འབྲས་དགའ་གསུམ་སོགས་ ནས་དགེ་འདུན་པ་ཨར་པོ་བསྐྱོན་པར་ཕེབས་ཡོད་པ་དང་། ཕོ་བྲང་ལེགས་གྲུབ་ཟིན་མཚམས་ དགེ་འདུན་པ་རྣམས་ལ་ཞོའི་སྟོན་མོ་བཏང་སྟབས་ཞོ་སྟོན་ཞེས་མིང་དེ་ནས་བྱུང་བ་རེད་ཅེས་ གསུང་རྒྱུན་འདུག དེ་བཞིན་སེ་ར་སོགས་གླིང་དགོན་ཁག་གིས་ཞོ་སྟོན་གཏོང་སྲོལ་ཡོད་པ་རེད།

ལོ་རྒྱུས། རྩོམ་སྒྲིག

སྔན་མ་དགོངདྲོ་ལྷ་མོ་འཁྲབ་ཚར་པའི་སྐབས་ལ་དམག་སྒར་ཁག་གི་དམག་མིའི་རུ་སྒྲིགས་ཀྱི་གུས་བཏུས་ཞུ་གི་རེད། ལྷ་མོ་ཚོགས་པ་དེ་ཚོས་ཚེས་༥་ནས་བཟུང་ཉི་མ་ཁ་ཤས་ལྷ་སའི་སྐུ་དྲག་ཆེ་ཁག་གི་གཟིམ་ཤག་ལ་ལྷ་མོ་འཁྲབ་ཀྱི་རེད། ཞོ་སྟོན་ཟེར་ཡག་ནི་དང་པོ་འབྲས་སྤུངས་ལ་ཞོའི་སྟོན་མོ་བཏང་སྲོལ་བྱུང་བ་ནས་འགོ་བཙུགས་པ་རེད། ཞོ་སྟོན་རིང་གར་ལྷ་ས་བ་མང་ཆེ་བ་གཟབ་འཆོར་གང་ཡག་ཡག་གོན། ཁ་ལག་དང་ཇ་ཆང་ཁྱེར་ནས་ནོར་བུ་གླིང་ཁར་ལྷ་མོ་ལྟ་གར་འགྲོ་གི་རེད། དགོང་དག་ཉི་མ་བཞུད་དུས་གཞས་རྣམ་ཐར་བཏང་གིན་བཏང་གིན་སོ་སོའི་ནང་ལ་ལོག་འགྲོ་གི་རེད། སྔར་གྱི་ཟློས་གར་ལྷ་མོ་བ་འཕྱོངས་རྒྱས་སྤུན་བདུན་པ་དང་། ཡར་ལུང་ བཀྲ་ཤིས་ཞོལ་པ། རྒྱལ་གར་ཆོས་རྫོང་པ། སྙེ་མོ་ཐོན་པ། བྱ་སྒོ་བ། གཅུང་རི་བོ་ཆེ་པ། སྐྱོར་མོ་ལུང་པ། ཤང་རི་བོ་ཆེ་པ། ཤེལ་རོང་འབྲོང་ རྩེད། བྲོ་པ་མི་གཅིག་བཅས་ནས་བོད་ཟླ་དྲུག་པའི་ཚེས་ཉེར་དགུ་ཉིན་རྩེ་ ཕོ་བྲང་ཆེན་པོའི་བདེ་ཡངས་ཤར་དང་ནོར་གླིང་དུ་གཟིགས་ཕུད་ཕུལ་ཏེ་ འབྲས་སྤུངས་སུ་རིམ་ཐོན་བྱེད་པ་དང་། འབྲས་སྤུངས་ཕོ་བྲང་དུ་ལྷ་མོ་བ་ རྣམས་ཀྱིས་གཟིགས་ཕུད་འབུལ། ཟླ་དྲུག་པའི་ཚེས་སུམ་ཅུ་ཉིན་སྔ་དྲོ་ འབྲས་སྤུངས་ནུབ་རིའི་ལྡེབས་སུ་སྟོན་པ་ཐུབ་པའི་དབང་པོ་གཙོ་གྱུར་གྱི་ སྐུ་བརྙན་ཡོད་པའི་གོས་སྐུ་བཀྲམ་པའི་མདུན་ལྷ་མོ་བ་རྣམས་ཀྱིས་རིམ་ པས་གཟིགས་ཕུད་ཕུལ་ཟིན་རྗེས་ཁམས་ཚན་ཐོབ་ཁུངས་ཁག་ལ་ལྷ་མོ་བ་ རྣམས་ནས་རང་རང་སོ་སོའི་རྒྱལ་རབས་འཁྲབ་སྟོན་ཉིན་གང་ཐོག་སོ་སོའི་ ཐོབ་ཁུངས་བྱིན་བདག་རྣམས་མགྲོན་འབོད་ཞུ་བ་སོགས་འབྲས་སྤུངས་ཞོ་ སྟོན་ལ་སེར་སྐྱ་ཚང་མ་བྲེལ་འཚུབ་ལིང་ལིང་བྱེད། དངོས་གཞི་བོད་ཟླ་ བདུན་པའི་ཚེས་གཅིག་ཉིན་ནོར་གླིང་སྐལ་བཟང་ཕོ་བྲང་དུ་ལྷ་མོ་བ་ རྣམས་གོ་རིམ་བཞིན་གཟིགས་ཕུད་རྒྱས་པ་རེ་འབུལ་སྲོལ་དང་ཚེས་ གཉིས་ནས་བཟུང་ལྷ་མོ་ཁག་ནས་རང་རང་གི་ཁྱད་ཆོས་ལྟར་རྒྱལ་ རབས་འཁྲབ་གཞུང་གཟུགས་ཀྱི་ཉི་མ་ལ་སོགས་པ་མིག་དབང་རབ་ ཏུ་འཕྲོག་པའི་འཁྲབ་སྟོན་བྱེད་ཀྱི་ཡོད་པ་དང་། ཉིན་དེ་དག་ནང་ ལྷ་ས་གྲོང་ཁྱེར་གྱི་མང་ཚོགས་དང་། ཉེ་འཁོར་ཞིང་འབྲོག་མི་མང་ ཚོགས་རྒྱན་གོས་གཟབ་མཆོར་སྤྲས་ཏེ་ཞོ་སྟོན་དུ་བཞུགས་ཤིང་བཟའ་ བཏུང་གི་གཡོས་སྦྱོར་ཕུན་སུམ་ཚོགས་པ་ལ་ཅི་དགར་ལོངས་སུ་སྤྱོད་པ་ཡིན།

ཟིན་ཐོ་འམ་དཔྱད་གཞི། རྩོམ་སྒྲིག

ཕྱི་ཕྱོགས་དྲ་མཐུད། རྩོམ་སྒྲིག