དྲང་སྲོང་བཙུན་མོའི་སྐར་ཚོམ་

དྲང་སྲོང་བཙུན་མོའི་སྐར་ཚོམ་ Cassiopeia དྲང་སྲོང་བཙུན་མོའི་སྐར་ཚོམ་ནི་ནམ་མཁའ་བྱང་མའི་སྐར་ཚོམ་ཚོགས་ཀྱི་གཅིག་ཡིན་པ་དང་། དེ་དྲང་སྲོང་རྒྱལ་པོའི་སྐར་ཚོམ་གྱི་ལྷོ་ཕྱོགས་དང་ལྷ་མོའི་སྐར་ཚོམ་གྱི་བྱང་ཕྱོགས་ན་གནས་ཡོད།

ངོ་སྤྲོད། རྩོམ་སྒྲིག

དྲང་སྲོང་བཙུན་མོའི་སྐར་ཚོམ་ནི་ནམ་མཁའ་བྱང་མའི་སྐར་ཚོམ་ཚོགས་ཀྱི་གཅིག་ཡིན་པ་དང་། དེ་དྲང་སྲོང་རྒྱལ་པོའི་སྐར་ཚོམ་གྱི་ལྷོ་ཕྱོགས་དང་ལྷ་མོའི་སྐར་ཚོམ་གྱི་བྱང་ཕྱོགས་ན་གནས་ཡོད།

ངག་རྒྱུན། རྩོམ་སྒྲིག

ཀེ་རི་སེའི་ལྷ་སྒྲུང་ཁྲོད། ཨན་ཏུའོ་མེ་ཏ་ནི་ཨེ་ཙི་ཨོ་ཕི་ཡའི་རྒྱལ་པོ་ཁོ་ཧྥུ་སི་དང་རྒྱལ་མོ་ཁ་ཞི་ཨའོ་ཕེ་ཡ་གཉིས་ཀྱི་སྲས་མོ་ཡིན། རྒྱལ་མོ་ཁ་ཞི་ཨའོ་ཕེ་ཡ་ནི་རང་གི་མཛེས་སྡུག་ཧ་ཅང་ངོམ་པར་དགའ་བ་ཞིག་ཡིན་སྟབས། མོའི་སྤྱོད་ཚུལ་འདིས་མཚོ་ལྷ་པོ་སའེ་ཏུང་གི་ཆུང་མ་ཨན་ཧྥེ་ཐེ་ལི་ཐུའེ་ལ་ཕོག་ཐུག་བཟོས་པ་ཡིན་པས། ཨན་ཧྥེ་ཐེ་ལི་ཐུའེ་ཡིས་པོ་སའེ་ཏུང་ལ་མོར་དགྲ་ཤ་ལེན་དགོས་ཟེར། པོ་སའེ་ཏུང་གིས་ན་ཀྲའི་སྐར་ཚོམ་ཨེ་ཙི་ཨོ་ཕི་ཡ་ལ་རྡོག་བརྫིས་བྱེད་དུ་མངགས། ཨེ་ཙི་ཨོ་ཕི་ཡའི་རྒྱལ་པོ་ཁོ་ཧྥུ་སི་ཧ་ཅང་སྐྲག་སྣང་སྐྱེས་པ་དང་། ཁོས་ལྷ་ལ་འཇིགས་པ་འདི་ལས་སྐྱོབ་ཐབས་ཀྱི་སྐྱབས་འཇུག་བྱས། ལྷའི་བཀའ་ལུང་ལྟར་ན་གལ་ཏེ་འཇིགས་པ་འདི་ལས་སྐྱོབ་དགོས་ན་ཨན་ཏུའོ་མེ་ཏ་འབུལ་དགོས་ཟེར། ཨན་ཏུའོ་མེ་ཏའི་ཡབ་ཡུམ་གཉིས་ཀྱིས་མོ་རང་ལྕགས་ཐག་གིས་ན་ཀྲའི་སྐར་ཚོམ་གྱི་མཚོན་བྱེད་མཚོ་འདྲེ་བརྒྱུད་སའི་ལམ་གྱི་ཕ་བོང་ཆེན་པོ་ཞིག་གི་སྟེང་བཀྱིག་ནས་བཞག སྟབས་ལེགས་པ་ཞིག་ལ་དཔའ་བོ་ཕོ་ཨེར་ཞིའུ་སིས་སྐྲ་ལོ་སྦྲུལ་ཅན་གྱི་བདུད་མོ་མེ་ཏུའུ་ཧྲ་བསད་ནས་ཕྱིར་ལོག་པའི་ལམ་བར་དུ་ཡ་ང་བའི་ཚུལ་དེ་བལྟས་པ་ཙམ་གྱིས་མཐོང་ནས། ཆིབས་རྟ་བཅིབས་ནས་ཨན་ཏུའུ་མེ་ཏ་ཡོད་སའི་སར་ཡོང་ནས་མྱུར་བ་མྱུར་དུ་སྐྲ་ལོ་སྦྲུལ་ཅན་གྱི་བདུད་མོ་མེ་ཏུའུ་ཧྲ་ཡི་དབུ་བླངས་ནས་ན་ཀྲའི་སྐར་ཚོམ་རྡོ་རུ་འགྱུར་དུ་བཅུག་པ་དང་། ཕོ་ཨེར་ཞིའུ་སིས་མཚོ་འདྲེ་བསད་ནས་ཨན་ཏུའོ་མེ་ཏ་བསྐྱབས། གནས་ཚུལ་འདིས་ལྷ་ཡུལ་སེམས་འགུལ་ཐེབས་སུ་བཅུག་ནས། ལྷ་ཡུལ་གྱིས་དོན་དེར་ཞུགས་པའི་སྐྱེས་དངོས་ཡོད་ཚད་ནམ་མཁར་དྲངས་ནས་སྐར་ཚོམ་དུ་བསྒྱུར། རྒྱལ་པོ་ཁོ་ཧྥུ་སི་དྲང་སྲོང་རྒྱལ་པོའི་སྐར་ཚོམ་དུ་འགྱུར་བ་དང་རྒྱལ་མོ་ཁ་ཞི་ཨའོ་ཕེ་ཡ་དྲང་སྲོང་བཙུན་མོའི་སྐར་ཚོམ་དུ་འགྱུར། ཨན་ཏུའུ་མེ་ཏ་ལྷ་མོའི་སྐར་ཚོམ་དུ་འགྱུར་བ་དང་དཔའ་བོ་ཕོ་ཨེར་ཞིའུ་སི་དྲང་སྲོང་དཔའ་བོའི་སྐར་ཚོམ་དུ་འགྱུར། ཕོ་ཨེར་ཞིའུ་སི་ཡི་ཆིབས་རྟ་འཕུར་རྟའི་སྐར་ཚོམ་དུ་འགྱུར་བ་དང་མཚོ་འདྲེ་ན་ཀྲ་དེ་ན་ཀྲའི་སྐར་ཚོམ་དུ་འགྱུར་བ་ཡིན། རྒྱལ་མོ་ཁ་ཞི་ཨའོ་ཕེ་ཡ་དྲང་སྲོང་བཙུན་མོའི་སྐར་ཚོམ་དུ་འགྱུར་བ་ནས་བཟུང་མོས་རང་ཉིད་ཀྱི་སྐྱོན་ཆ་ངོས་ཟིན་ནས། ལག་གཉིས་མཐོན་པོར་བཀྱགས་པ་དང་སྟོད་སྒུར་སྒུར་བྱས་ནས་འགྱོད་བཤགས་བྱེད་བཞིན་ཡོད། འདི་ལས་གཞན་ངག་རྒྱུན་ད་དུང་མང་པོ་ཡོད་པ་ཡིན།