Open main menu

Wikipedia β

ཞ་ལུ་བུ་སྟོན་པ།

ཞ་ལུ་བུ་སྟོན་པའི་གྲུབ་མཐའི་མིང་བྱུང་ཚུལ། དེ་ཡང་རྗེ་བཙུན་ཤེས་རབ་འབྱུང་གནས་ཀྱིས་སྤྱི་ལོ་༡༠༢༧བོད་མེ་ཡོས་ལོར་ཞ་ལུ་ གསེར་ཁང་བཏབ། ཇོ་བོ་རྗེས་རབས་གནས་མཛད་ཅིང་མཁན་ཐོག་རིམ་པས་བཟུང་ རྗེས་ཞ་ལུ་ཀོ་ཤམ་གྲགས་པ་རྒྱལ་མཚན་གྱིས་ཁྲོ་ཕུ་ནས་ཀུན་མཁྱེན་བུ་སྟོན་རིན་པོ་ཆེ་ ཞ་ལུ་ཆོས་སྡེར་གདན་དྲངས། བུ་སྟོན་རིན་ཆེན་གྲུབ་ཀྱིས་རྒྱུད་སྡེ་བཞིའི་སྒྲུབ་མཆོད་ སོགས་བཙུགས་ནས་རྒྱུད་སྡེ་བཞིའི་དབང་དང་རྒྱུད་ཀྱི་བཤད་པ་མན་ངག་དང་ བཅས་པའི་འཆད་ཉན་ཡུན་རིང་མཛད། དུས་འཁོར་དང་རྡོར་དབྱིངས་སོགས་རྣལ་ འབྱོར་རྒྱུད་ཀྱི་དཀྱིལ་འཁོར་བདུན་ཅུ་ལྷག་ཙམ་བཙུགས། སློབ་མ་ཤིན་ཏུ་མང་། གོང་ གསུམ་པ་ཆོས་ཀྱི་དཔལ་བ་དང་། ཁྱུང་པོ་ལྷས་པ་རྣམས་ལས་རྒྱལ་བ་ཙོང་ཁ་པས་ བུ་ལུགས་ཀྱི་དབང་གསན། བཀའ་བསྟན་ལ་དག་ཐེར་མཛད་དེ་དཀར་ཆག་ཏུ་བཏབ་ པ་སོགས་ཀྱིས་མཚོན་མཛད་རྗེས་བསམ་གྱི་མི་ཁྱབ། མདོར་ན། ས་དགེ་བཀའ་བརྒྱུད་ གྲུབ་མཐའ་ཐམས་ཅད་ལ་རྗེ་འདི་ལས་བརྒྱུད་པའི་མན་ངག་གིས་ཁྱབ་པར་གྲགས་སོ།