ཚད་མ།

ཚད་མའི་གོ་དོན་བོད་རྒྱ་ཚིག་མཛོད་ཆེན་མོ་ནས་གསུངས་པ་འདི་ལྟ་སྟེ། (1) བདེན་པའམ་མི་བསླུ་བ། (2) <པྲམཱཎ> 1.རང་ཡུལ་ལ་མི་བསླུ་བའི་ཤེས་པ་སྟེ་རང་ཡུལ་གསར་དུ་རྟོགས་པའི་བློ་མངོན་སུམ་ཡང་དག་དང་། རྗེས་དཔག་ཡང་དག་རྣམས་སོ། 2. རིག་གནས་ཆེ་བ་ལྔའི་ཡ་གྱལ། ཚད་མ་རིག་པའོ། ཞེས་དང་།
ཡང་། ཚད་མ་རིག་པ། གཏན་ཚིགས་རིག་པ་སྟེ། དོན་གྱི་གནས་ལ་འཁྲུལ་བ་ཚར་གཅོད་པར་བྱེད་པ། གཞལ་བྱ་ཡུལ་དང་། འཇལ་བྱེད་ཡུལ་ཅན་དང་། དེ་རྟོགས་བྱེད་ཀྱི་ཐབས་བཅས་ཞིབ་མོར་གཏན་ལ་འབེབས་པར་བྱེད་པའི་རིག་པའོ། ཞེས་སོ། །