ཟླ་བ།

ཟླ་བའི་གོ་ལ་ནི་སའི་གོ་ལའི་རང་བྱུང་འཁོར་སྐར་ཁོ་ན་ཡིན་ལ་ང་ཚོ་དང་ཐག་ཆེས་ཉེ་ཤོས་ཀྱི་སྐར་མའི་གོ་ལ་ཡིན། ཆ་སྙོམས་བྱས་ན་སའི་གོ་ལ་དང་བར་ཐག་སྟོང་སྨིས་ཁྲི་༣༨.༤༤ཡོད་པ་དང་ཚངས་ཐིག་ལ་སྟོང་སྨིས་༣༤༧༦ཡོད། ཟླ་བའི་གོ་ལས་རང་འཁོར་ཐེངས་གཅིག་རྒྱག་པའི་དུས་ཚོད་ནི་ཉིན་༢༧.༣༢༡༦༦ཡིན་པ་དང་དེ་ཡང་ཉིན་༢༧དང་ཆུ་ཚོད་༧དང་སྐར་མ་༤༣དང་སྐར་ཆ་༡༡.༤ཡིན། ཟླ་བའི་གོ་ལ་ནི་ད་ཕན་འགྲོ་བ་མིའི་སླེབས་མྱོང་བའི་སྐར་མའི་གོ་ལ་གཅིག་པུ་ཉིད་ཡིན།^[༡]

གསལ་བཤད།

ཟླ་བའི་ཐོག་གི་བྲག་རྡོ།

འཇེག་རྟེན་འཕུར་སྐྱོད་པ་དག་གིས་ཟླ་བའི་ཐོག་གི་བྲག་རྡོ་དང་ས་ཡི་མཚོན་དཔེ་སྟེང་ཁེ་༤༠༠ཙམ་སའི་གོ་ལའི་ཐོག་ཏུ་ཁྱེར་ཡོང་བ་རེད། ཁྱེར་ཡོང་བའི་གཏེར་རྫས་རིགས་༦༠ལ་ཚན་རིག་པས་ཞིབ་འཇུག་བྱས་ནས་དེའི་ནང་ནས་ཉུང་མཐར་རིགས༦ནི་སའི་གོ་ལའི་སྟེང་ན་མེད་པ་ཤ་སྟག་ཡིན་པ་རྟོགས།