འོད་སྦྱོར་ནུས་པ།

འོད་སྦྱོར་བྱེད་ལས་ནི་རྩི་ཤིང་དང་སྐྱེ་དངོས་གཞན་དག་གིས་འོད་ནུས་དེ་རྫས་འགྱུར་ནུས་པར་བསྒྱུར་བའི་གོ་རིམ་ཞིག་ཡིན།རྫས་འགྱུར་ནུས་པར་ཕྲ་ཕུང་གི་འབྱིན་རྔུབ་བྱེད་ནུས་བརྒྱུད་རྗེས།སྐྱེ་དངོས་ཀྱི་འགུལ་སྐྱོད་ལ་འབར་རྫས་འདོན་སྤྲོད་བྱེད་ཐུབ། རྫས་འགྱུར་གཤིས་ནུས་འདིའི་རིགས་ཀྱི་ཁག་ཅིག་ཐན་ཆུའི་འདྲེས་སྦྱོར་དངོས་རྫས་ཀྱི་ཆ་རྡུལ་ཁྲོད་དུ་ཉར་ཚགས་བྱས་ཡོད།དཔེར་ན་ཀ་ར་དང་བསིང་ཕྱེ་ལྟ་བུ།དེ་དག་ནི་དབྱང་གཉིས་ཐཱན་རྫས་དང་ཆུ་ལས་གྲུབ་པ་ཡིན། རྩི་ཤིང་དང་།ཆུ་སྔོའི་རིགས།འབུ་ཕྲ་སྔོན་པོ་བཅས་མང་ཆེ་བས་འོད་སྦྱོར་བྱེད་ལས་འདོན་གྱི་ སྐྱེ་དངོས་དེ་རིགས་ལ་རང་སྐྱོང་རང་གསོའི་སྐྱེ་དངོས་ཟེར། འོད་སྦྱོར་བྱེད་ལས་ཀྱིས་ཚད་ངེས་ཅན་ཞིག་གི་སྟེང་ནས་སའི་གོ་ལའི་རླུང་ཁམས་ཆེན་པོའི་ཁྲོད་ཀྱི་དབྱང་རླུང་གི་འདུས་ཚད་འབྱུང་བ་དང་སྲུང་འཛིན་བྱེད་པར་འགན་འཁུར་དགོས་པ་མ་ཟད།སའི་གོ་ལའི་ཚེ་སྲོག་ལ་མཁོ་བའི་ནུས་ཚད་མང་ཆེ་བ་འདོན་སྤྲོད་བྱ་དགོས།