ཡི་དྭགས་

ཡི་དྭགས་(ལེགས་སྦྱར་སྐད: प्रेत^{^{པྲེ་ཏ}})ནི་ཧིན་རྡུ་ཆོས་ལུགས་དང་ནང་བསྟན་ཁྲོད་རང་བྱུང་ལས་འདས་པའི་སྐྱེ་དངོས་ཤིག་ཡིན། ཁོ་ཚོ་ནི་མིའི་རིགས་ལས་སྡུག་བསྔལ་ཆེ་བ་དང་།ལྷག་པར་དུ་བཀྲེས་ལྟོགས་དང་སྐོམ་པས་ཆུ་འདོད་པ་རེད།

པྲེཏཱ་ཞེས་ཟས་སྐོམ་ཡིད་ལ་བཏགས་པའམ་དེར་སོང་བ་རྣམས་ཕྱིར་མི་ལྡོག་པས་ན་ཡི་དྭགས་ཞེས་བརྗོད་ལ། བྱིངས་ན་གནས་པ་དང༌། ཁ་འཐོར་བའི་རིགས་གཉིས་ཡོད། ཕྱིའི་སྒྲིབ་པ་ཅན་དང༌། ནང་གི་སྒྲིབ་པ་ཅན་སོགས་ནང་གསེས་བྱེ་བྲག་མང་ལ་རྫུ་འཕྲུལ་ཆེ་བའི་རིགས་ཀྱང་ཡོད་པར་གསུངས་ཤིང༌། ཁ་འཐོར་གྱི་རིགས་ནི་ལྷ་མིའི་གནས་ནའང་ཡོད་པར་བཤད། ཤ་ཟ་ཞེས་པ་ནི། པིཤཙཿ སྟེ་མི་སོགས་ཀྱི་ཤ་ཟ་བའི་འདྲེ་དང་སྲིན་པོའི་རིགས་ལ་དེ་ལྟར་འབོད་པ་ཡིན། གོང་དུ་བཤད་པའི་འཇིག་རྟེན་པའི་ལྷ་སོགས་ལས་ཁྱད་པར་བ་འགའ་ཞིག་ཟུར་དུ་བརྗོད་པ་ཙམ་ལས་ཞིབ་པར་བརྗོད་ཀྱིས་མི་ལང་ལ། དེ་དག་ལས་ཀྱང་ལ་ལ་ནི་རིགས་ཀྱིས་དབྱེ་བ་དང༌། ཁ་ཤས་ནི་བྱེད་ལས་ཀྱིས་བཀར་བ། འགའ་ཞིག་ནི་སྟོབས་དང་ནུས་པ་སོགས་ཀྱི་སྒོ་ནས་ཐ་དད་དུ་དབྱེ་བའང་ཡོད་པས། མདོར་ན་སྲིད་པ་ཕོ་རྒྱུད་མོ་རྒྱུད་དང༌། ལྷ་མ་སྲིན་དྲེགས་པ་སྡེ་བརྒྱད་སོགས་ཀྱང་དེ་དག་དང་མཚུངས་པའི་སྒོ་ནས་ངེས་པར་བྱ་དགོས་སོ། །