རྨ་ཆུ།
| |
| འགོ་ཁུངས། | མཚོ་སྔོན་ཞིང་ཆེན་གྱི་ཨ་ཆེན་གངས་རི། |
| འབབ་ཡུལ། | པྰོ་ཧེ་རྒྱ་མཚོ། |
| ཁོངས་གཏོགས་རྒྱལ་ཁབ། | རྒྱ་ནག |
| སྤྱིའི་རིང་ཚད། | སྤྱི་ལེ༥༤༦༤ |
| མགོ་ཁུངས་ཀྱི་མཚོ་ངོས་ལས་མཐོ་ཚད་སྨིས། | ༤༥༠༠ |
| བཞུར་ཚད། | ༢༥༧༡ m³/s |
| འབབ་རྒྱུད་ཀྱི་ཁྱོན། | སྟོང་སྨིས་གྲུ་བཞི་མ ༧༥༢ ༠༠༠ |
བོད་ཡུལ་ནི་ཆུ་ཀླུང་མང་པོའི་འབྱུང་ཁུངས་ཡིན། རྨ་ཆུ་ནི་མཚོ་སྔོན་ཞིང་ཆེན་དཀྱིལ་གྱི་ཕྲལ་རིང་རིང་མོའི་ལྷོ་རྒྱུད་ནས་བབས་ཏེ།མཚོ་སྔོན།སི་ཁྲོན།ཀན་སུའུ།ཉིང་ཞ། ནང་སོག ཧྲན་ཞི།ཧྲའན་ཞི།ཧོ་ནན་ཏེ་ཞིང་ཆེན་དགུ་དང་རང་སྐྱོང་ལྗོངས་གཅིག་བཅས་བརྒྱུད་ནས་པོ་ཧེ་རྒྱ་མཚོར་ཞུགས། བོད་ཡུལ་དུ་རྨ་ཆུར་གཙང་ལག་གྲགས་ཆེ་བ་ནི་དར་ལག་ཆུ། རྩེ་ཆུ།གསེར་ཆེན་ཆུ།ཆུ་སྔོན།འབའ་ཆུ།དགུ་ཆུ།ཙོང་ཆུ། སྐ་ཆུ། ཀླུ་ཆུ། བསང་ཆུ།འཇུ་ལག་ཆུ་སོགས་ཡོད།གངས་ལྗོངས་སུ་བཞུར་རྒྱུན་རིང་ཚད་སྤྱི་ལེ༡༦༩༣.༨དང་།སྤྱིའི་རིང་ཚད་སྤྱི་ལེ༥༤༦༤ཡོད།
རང་རྒྱལ་གྱི་ཆུ་ཀླུང་ཆེན་པོ་ཨང་གཉིས་པ་རྨ་ཆུ་དེའི་སྤྱིའི་རིང་ཚད་ལ་སྤྱི་ལེ་ལྔ་སྟོང་བཞི་བརྒྱ་དྲུག་ཅུ་རེ་བཞི་ཡོད་པ་དང་། དེ་ནི་མཚོ་སྔོན་ཞིང་ཆེན་དཀྱིལ་རྒྱུད་ཀྱི་རི་བོ་བཱ་ཡན་ཧ་རི་ནས་མགོ་ཐོན་ཏེ། ཐོག་མར་ནུབ་ནས་ཤར་དུ་འབབ་ཅིང་། དེ་ནས་སི་ཁྲོད་ཞིང་ཆེན་དང་། ཀན་སུའུ་ཞིང་ཆེན་གཉིས་ཀྱི་འབྲེལ་མཚམས་ནས་འགག་འཕྲང་དོག་པོ་བརྒྱུད་དེ་འཁྱོག་པོར་བྱང་ཕྱོགས་ཀྱི་ས་བབས་ཅུང་དམའ་བ་ནས་འབབ་ཏེ་ཉིང་ཧྭ་ཧུ་རིགས་རང་སྐྱོང་ལྗོངས་བརྒྱུད་ནས་ནང་སོག་རང་སྐྱོང་ལྗོངས་ཀྱི་མངའ་ཁོངས་སུ་སླེབས་པ་དང་ཡིན་ཧྲན་རི་བོས་འགྲོ་ལམ་བཀག་པས་ཐོག་མར་ཤར་ཕྱོགས་སུ་འཁྱོག་ཡོད་པ་རེད། དེ་ནས་ལྷོ་ཕྱོགས་སུ་འཁྱོགས་ཏེ་ཧྲའན་ཤིས་ཞིང་ཆེན་དང་ཧྲེན་ཤིས་ཞིང་ཆེན་གྱི་བར་ས་དཀར་མཐོ་སྒང་གི་འགག་འཕྲང་ཧ་ཅང་དོག་ས་ནས་དྲག་ཏུ་རྒྱུགས་ཅིང་ཧྲའན་ཤིས་ཞིང་ཆེན་གྱི་ཐུང་ཀོན་ལ་སླེབས། དེ་ནས་ཆིན་ལིང་རི་བོས་འགྲོ་ལམ་བཀག་པས་སླར་ཡང་ཁ་ཤར་ཕྱོགས་སུ་གཏད་ནས་ཧོ་ནན་ཞིང་ཆེན་ལ་འབབ་ཏེ་སན་མན་ཞའི་སྒོ་གསུམ་འགག་འཕྲང་ནས་དལ་པོར་འབབ་ཏེ་ཧྲན་ཏུང་ཞིང་ཆེན་བརྒྱུད་ནས་ཤར་ཕྱོགས་ཀྱི་པོ་ཧེ་རྒྱ་མཚོ་ཆེན་པོ་འབབ་བཞིན་ཡོད་པ་རེད། རྨ་ཆུ་ཆུག་པ་གསུམ་དུ་རྩི་ཚུལ་ནི། དེ་ཡང་བཱ་ཡན་ཧ་རིའི་ཁ་ཚུར་བལྟའི་ཆུ་རྣམས་རྨ་གཡང་ཕྱུགས་མོའི་གཞུང་དུ་འབབ་པ་རྣམས་རྨ་ཆུའི་མགོ་ཡིན་ལ། དེ་ནས་ལྷོ་ངོས་སུ་འབབ་པ་གཉན་པོ་གཡུ་རྩེའི་གཡོན་ནས་ཐོན། རིམ་གྱིས་བྱང་དུ་འཁྱོག་པ་དཀར་དབུར་རྐ་ཆུང་དང་། ཚ་གན་པེ་ཤིང་གི་མདུན་ནས་དམེ་ཆུ་འདྲེས་ཏེ་ནུབ་ངོས་དྲང་པོར་བགྲོད་པའི་ཁུག་སོ་གཅིག གཤི་མདོ་དང་རྩེ་མདོར་གཤི་ཆུ་དང་རྩེ་ཆུ་འདྲེས་ཤིང་། ར་རྒྱ་ནས་སླར་ཡང་བྱང་དུ་འབབ་པ་འབལ་མདོ་ནས་ཤར་ངོས་དྲང་པོར་འབབ་པའི་ཁུག་སོ་གཅིག་ལོ་ཀྱ་ཏུན་ངོས་ནས་བྱང་དུ་འཁྱོག་པ་རིམ་གྱིས་ཤར་དུ་རྒྱ་ནག་ཞིང་ས་བཅུ་གསུམ་གྱི་ནང་ཚན་ལན་ཇུའི་མཁར་མོ་ཆེའི་མདུན་ལ་བརྒྱུད་ནས་སོག་ཡུལདུ་འབབ་པའི་ཁུག་སོ་གཅིག་བཅས་ཁུག་སོ་གསུམ་དུ་གྲགས་སོ། །
པར་རིས་བར་འཁྱམས།
རྩོམ་སྒྲིག
རྨ་ཆུ་ནི་རྒྱལ་ནང་གི་རིང་ཚད་ཨང་གཉིས་པ་ཡིན་ལ། བ་ཡན་ཧ་རིའི་རི་རྒྱུད་ནས་བཞུར་ཏེ་རྒྱལ་ནང་གི་ལྗོངས་དང་ཞིང་ཆེན་དགུ་བརྒྱུད་མཐར་པོ་ཧེ་རྒྱ་མཚོར་འབབ་ཀྱིན་ཡོད། ཆུ་བོ་འདིའི་བཞུར་རྒྱུན་གྱི་རིང་ཚད་ལ་སྟོང་རྨིད5464ཙམ་ཡོད་པ་དང་། སྤྱིའི་འབབ་ཡུལ་གྱི་རྒྱ་ཁྱོན་ལ་སྤྱི་ལེ་གྲུ་བཞི་མ75442ལྷག་ཡོད།