སྔ་འགྱུར་མཐོ་སློབ་མཚོ་རྒྱལ་བཤད་སྒྲུབ་ཐོས་བསམ་དགའ་བའི་ཚལ།
སྔ་འགྱུར་མཐོ་སློབ་མཚོ་རྒྱལ་བཤད་སྒྲུབ་ཐོས་བསམ་དགའ་བའི་ཚལ་ (Ngagyur Nyingma Nunnery Institute) ནི། ཐེག་མཆོག་རྣམ་གྲོལ་བཤད་སྒྲུབ་དར་རྒྱས་གླིང་གི་ཡན་ལག་སྔ་འགྱུར་བཙུན་དགོན་མཚོ་རྒྱལ་བཤད་སྒྲུབ་དར་རྒྱས་གླིང་གི་མངའ་ཁོངས་སུ། ༸གྲུབ་དབང་པད་ནོར་རིན་པོ་ཆེ་སྐུ་ཕྲེང་གསུམ་པས་ཕྱི་ལོ་ ༡༩༩༥ ལོར་ཕྱག་བཏབ་པའི་སྔ་འགྱུར་རྙིང་མའི་བཙུན་དགོན་བཤད་གྲྭ་ཞིག་ཡིན། བཤད་གྲྭ་འདིར་མདོ་སྔགས་རིག་གནས་དང་བཅས་པའི་སློབ་ཁྲིད་ལོ་ངོ་དགུའི་རིང་བྱེད་དགོས་པ་ནི་སྔ་འགྱུར་མཐོ་སློབ་མདོ་སྔགས་རིག་པའི་འབྱུང་གནས་གླིང་དང་གཅིག་མཚུངས་ཡིན་ལ། བཙུན་མ་རྣམ་པས་ལོ་དགུའི་སློབ་གཉེར་གྲུབ་རྗེས་དགོན་པའི་རྒྱུན་ལས་ཀྱི་བཀའ་ལྟར་ཕྱོགས་མཐའི་སློབ་གྲྭ་དང་དགོན་སྡེ་ཁག་ཏུ་དགེ་རྒན་གྱི་སྲི་ཞུ་སྒྲུབ་པ་དང་། ལོ་ངོ་ངེས་ཅན་གྱི་རང་དགོན་སྲི་ཞུའི་ལས་དོན་གྲུབ་པའི་རྗེས། བཙུན་དགོན་སྒྲུབ་སྡེ་གྲུབ་གཉིས་དགའ་ཚལ་གླིང་དུ་ལོ་གསུམ་ཕྱོགས་གསུམ་གྱི་སྒྲུབ་པ་ཉམས་བཞེས་ཀྱང་མཛད་གསོལ་ཡོད། དེ་མིན་སྔ་འགྱུར་རྙིང་མའི་ཞིབ་འཇུག་ལྟེ་གནས་ཁང་གི་གོ་སྒྲིག་འོག་རིགས་གཅིག་རྐང་འཛིན་གྱི་ཞིབ་འཇུག་ཐོག་ཆེད་ལས་ཞིབ་འཇུག་པའི་ལས་དོན་གཉེར་བའི་ཆ་རྐྱེན་ཡང་ཡོད་པ་ཡིན། བཤད་གྲྭ་འདི་ནས་བསླབ་པ་མཐར་སོན་པའི་སློབ་དཔོན་མ་དང་ཤོས་ཕྱི་ལོ་ ༢༠༠༢ ལོར་ཐོན།