ཧན་ཝུའུ་ཏི།

སྤྱི་ལོ་སྔོན་གྱི་༡༤༡ལོར་ཧན་ཝུའུ་ཏི་(སྤྱི་ལོ་སྔོན་གྱི་༡༥༦ལོ_སྤྱི་ལོ་སྔོན་གྱི་༨༧ལོ)(རྒྱ་སྐད།: 汉武帝)ལིའུ་ཁྲེ་ཡིས་རྒྱལ་སྲིད་བཟུང་། ཁོང་གིས་རྙིང་ཞེན་བག་འཁིམ་ངང་མི་སྡོད་པར་བཅོས་སྒྱུར་གྱི་བྱེད་ཐབས་སྣ་ཚོགས་སྤྱད། བྱེད་ཐབས་དེ་དག་ལས་གཙོ་བོ་ནི་རྒྱལ་ཕྲན་སྐུ་དྲག་གི་སྟོབས་ཤུགས་ཉམས་ཞན་དུ་བཏང་བ་དང་། ས་ཞིང་མཉམ་རུབ་བྱེད་པར་ཚོད་འཛིན་བྱས་པ་ཡིས་ཤེས་ལྡན་མི་སྣ་ལ་སྲིད་ཞུགས་སྲིད་བགྲོས་ཀྱི་གོ་སྐབས་བསྩལ། ཁོས་ད་དུང་ཀྲང་ཆན་ནུབ་ཕྱོགས་སུ་མངགས་ནས་དར་གོས་ཚོང་ལམ་ཕྱེ། ཧན་ཝུའུ་ཏི་ཡིས་སྲིད་འཛིན་པའི་སྐབས་སུ་ཀྲུང་གོའི་དཔལ་འབྱོར་དང་རིག་གནས་ཁྱོན་ཡོངས་ནས་འཕེལ་རྒྱས་སུ་སོང་སྟེ་ལོ་ངོ་༥༠ལྷག་གི་རྫོགས་ལྡན་དུས་ལ་རོལ་པར་བྱས།^[༡]