Talk:བོད་ཡིག་གི་ཝེ་ཁེ་རིག་མཛོད།

བཀུར་བར་འོས་པའི་རིས་མེད་ཀྱི་ཝེ་ཁེ་རིག་མཛོད་ཀྱི་རྩོམ་སྒྲིག་པ་རྣམ་པ་ལགས་ལ་ཞུ་གསོལ། ང་ཚོས་འདིར་བོད་ཡིག་གི་ཝེ་ཁེ་རིག་མཛོད་ནང་རྩོམ་སྒྲིག་བྱེད་སྐབས་ཡོ་བྱེད་གལ་ཆེན་ཞིག་ཚང་མི་འདུག་དེ་ནི་དབྱིན་ཡིག་ནང་Inforbox ཟེར་བ་དེ་རེད། དེའི་བྱེད་ལས་ནི་རྩོམ་ཡིག་ནང་གི་འདྲ་པར་གྱི་གཤམ་ལ་དབྱིན་ཡིག་ནང་ཐུབ་པ་ནང་བཞིན་གནས་ཚུལ་མདོར་བསྡུས་རྣམས་རིམ་པ་བཞིན་སྒྲིག་རྒྱུ་དེ་རེད། འདིས་ལས་ཀ་བྱེད་པར་དང་བོ་རིག་མཛོད་འདིའི་ནང་མ་དཔེ་ཁག་བཟོ་དགོས་འདུག་པས་འདི་བཟོ་མཁན་གྱི་ཆེད་ལས་པ་ཞིག་དགོས་འདུག ངས་ད་བར་འདིའི་སྐོར་ལ་ཞིབ་འཇུག་གང་འཚམ་བྱས་ཡིན་ཏེ་ད་དུང་དོན་སྨིན་སོན་པ་ཞིག་མ་རྙེད། ཤེས་མཁན་ཡོད་ན་ང་ལ་འབྲེལ་བ་རེ་གནང་དང་ང་ཚོས་མཉམ་ལས་བྱ་ཆོག ཡོ་བྱེད་དེ་མེད་ན་བོད་ཡིག་གི་ཝེ་ཁེ་རིག་མཛོད་ཀྱི་འདྲ་པར་ཚད་ལྡན་བསྒྲིག་མི་ཐུབ་པ་རེད། ངས་ད་སྔ་འདིའི་བོད་ཡིག་གི་རྩོམ་ཡིག་ནང་འདྲ་པར་ཚད་ལྡན་བསྒྲིགས་ནས་ཡོད་པ་གཅིག་ཀྱང་མ་མཐོང་། དེའི་ཕྱིར་བོད་ཡིག་གི་རིག་མཛོད་འདི་ཚད་ལྡན་དགོས་ན་འདི་གལ་ཆེའི་གྲུབ་ཆ་ཞིག་ཡིན། འདྲ་པར་བསྒྲིགས་སྟངས་ཚད་ལྡན་ཡོང་ཡོད་པའི་དཔེ་མཚོན་འདིར་གཟིགས་དབྱིན་ཡིག འདྲ་པར་ཡོད་ཀྱང་བསྒྲིགས་སྟངས་ཚད་ལྡན་མེད་པའི་དཔེ་མཚོན་འདིར་གཟིགས་བོད་ཡིག འདིའི་ཐད་མཉམ་བྱེད་འདོད་མཁན་ཚོས་མཆན་དང་སྒེར་འབྲེལ་གང་རུང་བྱ་རོགས། བཀའ་དྲིན་ཆེ།

I am suggesting adding the following paragraph (translated into Tibetan):

Have translated, thank you. --ཁ་བཏགས་ནག་པོ

ལོ་རྒྱུས།

*29 April, 2009 - the 250th article was created
*22 August, 2009 - བོད་སྐད་ཀྱི་ལྦེ་ཁེ་རིག་མཛོད is among ༢༠༠ biggest wikipedias.
*༢༨ ཟླ་བརྒྱད་པ།, ༢༠༠༩ - the 500th article was created. It is ཡེ་དེན་གྱི་ལདུམ་རའི་སྐོར།.
*༤ ཟླ་དགུ་བ།, ༢༠༠༩ - བོད་སྐད་ཀྱི་ལྦེ་ཁེ་རིག་མཛོད is among ༡༩༠ biggest wikipedias.
*༡༥ ཟླ་དགུ་བ།, ༢༠༠༩ - the 1000th article was created. It is ཀྲུང་གོའི་རང་སྐྱོང་ལྗོངས།.
--Viskonsas ༡༢:༢༡, ༡༦ ཟླ་བརྒྱད་པ། ༢༠༡༠ (UTC)

སྤྱི་ལོ་༢༠༠༩་ལོའི་ཟླ་༤ཚེས་༢༩ཉིན། ཚིག་ཚན་གྱི་གྲངས་༢༥༠རུ་སླེབས།
ཟླ་༨ཚེས་༢༢ཉིན། བོད་ཡིག་ཝེ་རིག་དེ་ཚིག་ཚན་གྲངས་༢༠༠ཅན་གྱི་ཝེ་རིག་ནང་གི་མང་ཤོས་དེ་ཆགས།
ཟླ་༨ཚེས་༢༨ཉིན། ཚིག་ཚན་ལྔ་བརྒྱ་བ་ཡེ་དེན་གྱི་ལདུམ་རའི་སྐོར།ཞེས་པ་དེ་རྩོམ་སྒྲིག་བྱས།
ཟླ་༩ཚེས་༤ཉིན། བོད་ཡིག་ཝེ་རིག་དེ་ཚིག་ཚན་གྲངས་༡༩༠ཅན་གྱི་ཝེ་རིག་ནང་གི་མང་ཤོས་དེ་ཆགས།
ཟླ་༩ཚེས་༡༥ཉིན། ཚིག་ཚན་གཅིག་སྟོང་བ་ཀྲུང་གོའི་རང་སྐྱོང་ལྗོངས།ཞེས་པ་དེ་རྩོམ་སྒྲིག་བྱས།

== འཕན་ཡུལ་ ==

འཕན་ཡུལ་གྱི་གནས་དང་ཡུལ་དེ་ནས་བྱོན་པའི་སྐྱེ་ཆེན་དམ་པ་འགའི་རྣམ་ཐར་མདོ་ཙམ་གླེང་བ།> <༄༅།། འཕན་ཡུལ་གྱི་གནས་དང་ཡུལ་དེ་ནས་བྱོན་པའི་སྐྱེ་ཆེན་དམ་པ་འགའི་རྣམ་ཐར་མདོ་ཙམ་གླེང་བ།> ༄༅།། སྒྲིབ་པ་ཀུན་ལས་རྣམ་པར་རྒྱལ་བའི་སྐུ། འགྲོ་ཀུན་ཐེ་ཚོམ་གཅོད་པའི་ཀླུ་མེད་གསུང་། མཐའ་དག་དངོས་ཀུན་གནས་ལུགས་གཟིགས་པའི་ཐུགས། རྐང་གཉིས་རྣམས་ཀྱི་མཆོག་གྱུར་ཞབས་ལ་འདུད། སྐྱེ་དང་ཚེ་རབས་དུ་མའི་སྔོན་རོལ་ནས། རྒྱལ་བའི་སྤྱན་མངར་ཇི་ལྟར་དམ་བཅས་བཞིན། ཁ་བའི་ལྗོངས་སུ་རྒྱལ་བསྟན་སྒྲོན་མེ་ཡི། འོད་ཀྱིས་ཁྱབས་མཛད་ཕྱག་ན་པདྨོར་འདུད། མ་ལུས་རྒྱལ་བའི་ཐུགས་མཆོག་ཁྱོན་ཡོངས་ནས། གཅིག་ཏུ་སྤུངས་པ་གཞོན་ནུའི་ཆ་ལུགས་ཅན། ས་གསུམ་ཤེས་རབ་སྣང་བ་བསྩོལ་མཛད་པའི། འཕྲིན་ལས་ཀུན་བསྡུས་སྒྲོལ་མའི་ཞབས་ལ་འདུད། དགེ་ལེགས་ཀུན་བསྩོལ་ཐུབ་བསྟན་ཡོངས་ཀྱི་མགོན། ཀུན་གྱིས་གཙུག་ཏུ་འཛིན་པའི་ཡིད་བཞིན་ནོར། བརྩེ་ཆེན་རྒྱ་མཚོའི་ཁོག་ཏུ་རུམ་གྱུར་དེས། སངས་རྒྱས་མ་ཐོབ་བར་དུ་བཟུང་དུ་གསོལ། མདོ་དང་སྔགས་ཀྱི་རྒྱ་ཆེའི་གཞུང་ལུགས་ལ། ལྟ་བའི་རྣམ་དཔྱོད་ཤེས་རབ་མིག་སྦྱིན་མཁན། འགྲོ་བའི་བཤེས་གཉེན་ཆེན་པོ་ཁྱེད་རྣམས་ཀྱིས། རྗེས་སུ་བཟུང་ཏེ་བདག་རྒྱུད་བྱིན་གྱིས་རློབས།། དེ་ལྟར་སྒོ་གསུམ་གུས་པ་ཆེན་པོས་བླ་མ་དང་ལྷག་པའི་ལྷ་མཆོག་རྣམས་བསྟོད་ཅིང་ཕྱག་འཚལ་བ་དེ་ཙམ་ཞིག་སྔོན་དུ་བཏང་ནས། བྱ་བ་དངོས་ལ་འཇུག་པ་ནི་དེ་ཡང་གང་བཤད་པར་བྱ་བའི་གཞི་ནི། ཧ་ཅང་གིས་རྒྱ་ཆེ་ལ་མགོ་རྙོག་པའི་ལོ་རྒྱུད་ཀྱི་དེབ་ཐེར་ར་བའི་ནང་ནས་རང་ཉིད་ལ་འདྲིས་ཆེ་ཤིང་རྒྱུད་མངའ་ཡོད་པའི་འཕན་པོའི་ཡུལ་དང་། དེ་དང་འབྲེལ་བའི་ཡུལ་དེའི་མི་རིགས་ཀྱིས་ཆོས་སྲིད་ཀྱི་བྱ་བ་ཇི་ལྟར་མཛད་པ་པོ་རྣམས་ཀྱི་རྣམ་པར་ཐར་པ་རྣམས་ནི་གང་བཤད་པར་བྱ་བའི་ཆོས་སམ་གཞི་ཡིན་ནོ། དེ་ལ་ཐོག་མར་འཕན་པོ་ཞེས་པའི་ཡུལ་དེ་ནི་བོད་གངས་ཅན་གྱི་ལྗོངས་སུ་བོད་མཆོལ་ཁ་གསུམ་ཏེ་དབུས་གཙང་དམ་པ་ཆོས་ཀྱི་མཆོལ་ཁ། མདོ་སྟོད་མགོ་ནག་མི་ཡི་མཆོལ་ཁ། མདོ་སྨད་གྱི་ལིང་རྟ་ཡི་མཆོལ་ཁ་ཞེས་འབོད་བཞིན་པ་ལས་དབུས་གཙང་དམ་པ་ཆོས་ཀྱི་མཆོལ་ཁ་དང་སྟོད་མངའ་རིས་སྐོར་གསུམ་བར་དབུས་གཙང་རུ་བཞི་སྨད་མདོ་ཁམས་སྒང་དྲུག་ཅེས་པ་ལས་བར་དབུས་གཙང་རུ་བཞི་དང་དེ་ལ་ཡང་དབུས་གཙང་གཉིས་ལ་རུ་སྟོད་སྨད་གཉིས་གཉིས་ཀྱིས་བཞི་ཕྱེ་བས་དབུ་རུ་སྟོད་ཀྱི་ཆ་སྟེ་བོད་ཀྱི་རྒྱལ་ས་ལྷ་སའི་བྱང་ཀྱི་ཕྱོགས་འཕན་པོ་སྒོ་ལ་ཞེས་པ་ནས་བྱང་འདམ་གཞུང་གི་ས་མཚམས་རྫོགས་མཚམས་བར་དང་སྟོད་འཕན་པོ་སྣ་མོ་དང་གློ་བ་སྟོད་ཀྱི་ནུབ་རིའི་རྫོགས་མཚམས་ནས་སྨད་ཀོང་པོ་བྲེ་སྣའི་བར་གྱི་ས་ཁྱོན་ཆགས་པ་ལ་ཟེར་ཞིང་། དེང་སྐབས་དང་མི་འདྲ་བར་སྔོན་དུས་སུ་ཡུལ་དེའི་སྣོད་ཀྱི་བཀོད་པ་ནི་སྤྱིར་རྫ་རི་དང་སྤང་རི་ནགས་རི་སོགས་ཀྱིས་ཡོངས་སུ་བསྐོར་ཡོད་པ་ནི་བོད་སྤྱི་མཚུངས་ལྟར་ལགས་ཤིང་། རི་བོ་མང་ཆེ་བ་ནི་རི་མགོ་ཐམས་ཅད་གདོད་མའི་ནགས་ཀྱིས་བསྐོར་ཅིང་སྟག་གཟིག་སོགས་གཅན་གཟན་གྱི་སྲོག་ཆགས་ཤྭ་བ་དང་དགོ་བ་གླ་བ་སོགས་ཅི་དགར་རྩེད་འཇོར་རོལ་ཞིང་། རི་སྐེད་དུ་སྤ་མ་དང་བ་ལུ་རི་བསང་སོགས་དྲི་ཞིམ་ལྡན་པའི་རྩེ་ཏོག་སྣ་ཚོགས་ཀྱི་དྲི་བཟང་ཕྱོགས་བཅུར་འཐོར་ཅིང་། ས་ཤོངས་རྣམས་སུ་མཚོ་དང་ཚིའུ་ཆེ་ཆུང་སྣ་ཚོགས་དང་མཚོའི་གླིང་ལྷག་གང་ཡོད་ཐམས་ཅད་ལ་ན་སྤང་ཀྱིས་ཡོངས་སུ་ཀླུབས་ཅིང་མཚོ་དང་ཚིའུའི་འགྲམ་ངོས་སུ་ལྷ་བྱ་ཁྲུང་ཁྲུང་དང་ངང་པ་སོགས་ཆུ་བྱ་སྣ་ཚོགས་ཀྱིས་སྐད་སྙན་སྒྲོགས་ཅིང་མཛེས་སྡུག་ཡོད་དུ་འོང་བའི་འཛམ་གླིང་གི་སྐྱེ་བོ་སུ་ལ་ཡང་ངལ་གསོའི་སྤྲོ་བ་ངང་གིས་སྦྱིན་ནུས་ཤིང་། དེ་ལྟ་བུའི་ས་གཤིས་བཟང་བའི་མཚོ་དང་ཚིའུ་ནགས་ཀྱི་སེབས་ཡུལ་མི་རྣམས་ནི་རྟག་ཏུ་ཆོས་ལ་དད་ཅིང་བཟང་པོའི་ལས་ལ་བརྩོན་འགྲུས་ཆུ་རྒྱུན་བཞིན་ནམ་ཡང་ངལ་མེད་ངང་ནས་སྐྱོད་བཞིན་མཆིས་པའི་ཚུལ་ནི་མཐོ་རིས་ཀྱི་ལྷ་ཡང་སྨོན་པའི་ཡུལ་དུ་བྱེད་པ་ལྟ་བུ་ཞིག་ཡོད་དེ་ནི་བོད་གངས་ཅན་གྱི་ལྗོངས་སུ་བཀའ་གདམས་པ་ཞེས་ཇོ་བོ་རྗེའི་མན་ངག་ལས་རྒྱུད་པའི་སངས་རྒྱས་ཀྱི་བསྟན་པ་འཇིག་རྟེན་འདིར་འཛིན་སྐྱོང་སྤེལ་གསུམ་གནང་བ་ལ་འགྲན་མེད་ལྟ་བུ་ཞིག་ཏུ་གནས་པ་ཡོད་པ་ནི་ཡུལ་དེའི་ནང་བཀའ་གདམས་པའི་སྐྱེ་ཆེན་དམ་པ་ཇི་ཙམ་བྱུང་བ་ལས་ཀྱང་རྟོགས་ནུས། འོན་ཀྱང་འཇིག་རྟེན་སྤྱི་ལ་ཆགས་འཇིག་སྐྱེད་འཕེལ་གྱི་གོ་རིམ་སྤེལ་མར་བྱུང་དང་འབྱུང་བཞིན་པ་ལྟར་ཡུལ་དེའི་ནང་གི་སྔོན་གྱི་སྣོད་བཅུད་ཀྱི་དགེ་མཚན་མང་དག་ཞིག་འཇིག་རྟེན་ཆགས་འཇིག་གི་དགུས་ཚོགས་ཁྲོད་རང་ཡལ་དུ་སོང་ཞིང་ལྷག་འཕྲོ་ཅུང་ཟད་ཡོད་པ་དག་ཀྱང་ཕྱུག་པོའི་བང་མཛོད་ལ་ཡི་དྭགས་ཀྱི་དཀོར་གཉེར་སླེབས་པར་བརྟེན་བདག་པོ་མ་ཡིན་པའི་ཁ་ཟས་སུ་གྱུར་ཏེ་སྣོད་བཅུད་ཡོད་ཚད་ལ་འཆི་ལྟད་ཕོགས་ཏེ་རི་མགོའི་ནགས་ཚལ་གྱི་སྐྲ་ལོ་བཅས་ཅིང་རི་འདབས་ཀྱི་མཚོ་ཚིའུ་དུག་ཆུར་བསྒྱུར་ནས་མཐའ་ན་སོ་ནམས་པ་ཚོའི་ས་ཞིང་ཡང་ས་བོན་ཕར་སོང་གི་ཡོང་བབས་འབྲས་བུ་ལོ་རེར་སྡུམ་ཙམ་ལས་མེད་པའི་གནས་སུ་ལྷུང་བཞིན་ཡོད། ཡུལ་དེར་འཕན་པོ་ཞེས་པའི་མིང་དེ་ནི་སྤྱི་ལོའི་དུས་རབས་ལྔ་པ་ནས་དྲུག་པའི་བར་བྱུང་བའི་བོད་རྒྱལ་སོ་གཉིས་པ་གནམ་རི་སྲོང་བཙན་གྱིས་བཏགས་གནང་བ་ཞིག་ཡིན་ལ་དེའི་འདོགས་ཚུལ་ནི། དེ་སྐབས་སུ་འཕན་ཡུལ་དུ་ཟིང་པོ་རྗེ་སྟག་སྐྱ་པོ་ཟེར་བའི་རྗེ་བོ་ཟིག་བྱུང་བ་ཁོང་གིས་རང་ཉིད་མངའ་འོག་བློན་པོ་གཉེན་འཛི་ཟུང་ནག་པོ་ཞེས་པ་ཞིག་དང་འབངས་མི་དཔའ་ཏོ་རི་དབྱི་ཚབ་ཞེས་པ་གཉིས་ཁ་འཆམས་ཏེ་ཟིང་པོ་རྗེར་ངོ་ལོག་ཏེ་མཁར་ཕྱིང་བ་སྟག་རྩེ་ན་བཙན་པོ་གནམ་རིའི་ཡབ་བོད་རྒྱལ་སོ་གཅིག་པ་སྟག་རི་གཉན་གཟིགས་ལ་མགོ་བཏགས་ཏེ་བཙན་པོ་དང་ལྷན་དུ་ཟིང་པོ་རྗེར་དམགས་འདྲེན་གྲབས་བྱེད་སྐབས་སུ་བཙན་པོ་སྐུ་འདས། ཕྱིས་བཙན་པོ་གནམ་རི་ཁྲིར་འཁོད་རྗེས་འཛི་ཟུང་དང་དབྱི་ཚབ་གཉིས་ཀྱིས་སླར་ཡང་བཙན་པོ་དང་གྲོས་འཆམས་ཏེ་ཟིང་པོ་རྗེར་དམགས་རྒྱལ་དམགས་ཁྲི་དང་བཅས་པས་ཕམ་པར་བྱས་ཏེ་ཕག་གི་ཡུང་བ་མན་ཆད་རྒོད་པྲོ་སྣ་ཡན་ཆད་བཙན་པོའི་ཕྱག་ཏུ་སོན་སྐབས་བཙན་པོ་ཐུགས་དགྱེས་ནས་བཀའ་འཕབས་ཏེ་ཡུལ་མིང་ངལ་པོ་ཞེས་པ་ལས་འཕན་ཡུལ་དུ་སྤོས་སོ། འཕན་པོ་ཞེས་པའི་འཕན་དེ་ཡང་གཞན་གོ་རྒྱུ་མ་ཡིན་པར་རྒྱ་ཆེ་བའི་དོན་ལ་གོ་དགོས་པར་དགེ་ཆོས་ཀྱིས་གསུངས། ཕག་གི་ཡུང་བ་མན་ཟེར་བ་དེ་ཡང་ས་མཚམས་གང་ཡིན་ནི་སྤྱིར་ན་ད་ལྟའི་འཕན་པོ་ལྷུན་གྲུབ་རྫོང་ཁོངས་སུ་ཡུལ་མིང་ལ་ཡུང་བ་ཞེས་པའི་ལུང་པ་ཞིག་ཡོད་ཀྱང་དེ་མན་ཆད་ཟེར་བ་ནི་ག་ལ་ཡིན་ཏེ་མ་ཡིན་གང་ཡིན་ཟེར་ན་ད་ལྟའི་འཕན་པོའི་ཡུལ་མང་ཆེ་བ་ད་དུང་དེའི་གོང་ན་ཡོད་ཅིང་མ་ཟད་སྔོན་གྱི་ལོ་རྒྱུད་རྙིང་པ་མང་པོའི་ནང་བླ་ཆེན་མི་དྲག་ཁག་མང་པོ་ཞིག་འཕན་ཡུལ་དུ་སྐྱོད་པ་དང་གནས་བཅའ་སོགས་གསུངས་པ་མང་དག་ཞིག་ད་ལྟའི་རྫོང་དེའི་ཁོངས་སུ་མེད་པས་ཀྱང་ཧ་ཅང་གསལ་ལོ། རྒྱལ་རབས་དང་འབྲེལ་བའི་དེབ་ཐེར་འགར་ཕག་གི་ཡུ་སྣ་མན་ཆད་ཀོང་པོ་བྲེ་སྣ་ཡན་ཆད་ཅེས་འཁོད་པ་བཞིན་དག་པར་སྙམས་ཤིང་ཡུ་སྣ་ཞེས་པ་ནི་ཡུལ་སྣ་མོ་ཞེས་པའི་བསྡུས་མིང་ཡིན་པ་ལས་གཞན་རྒྱུ་མཚན་མ་མཐོང་དེའི་ཕྱིར་ད་ལྟའི་འཕན་ཡུལ་གྱི་སྣ་མོའི་དང་དེའི་རི་རྒྱུད་དུ་འཆགས་པའི་འཕན་ཡུལ་རྒྱལ་མན་ཆད་ཟེར་རམ་བསྙམས་ཤིང་རྒོད་པྲོ་སྣ་ཡན་ཆད་ཞེས་པ་ཡང་ཀོང་པོ་བྲེ་སྣ་ཡན་ཞེས་པ་ཡིད་སྟོན་རུང་བར་མཐོང་ཞིང་ལོ་རྒྱུད་ཀྱི་ཡིག་ཆ་གཞན་དག་འགར་ཡང་དེ་ལྟར་འཁོད་ཡོད་འཐད་ཕྱོགས་སུ་མཐོང་། དེ་ནི་འཕན་ཡུལ་ཞེས་པའི་ཡུལ་དེའི་བྱུང་བའམ་སྣོད་བཅུད་ཀྱི་ངོ་སྤྲོད་མདོ་ཙམ་བཀོད་པའོ། བྱེས་ཚྭ་འཕན་པོ་ཟུར་ཆེན་ནམ་མིང་གཞན་དར་རྒྱས་སུ་བོད་པས་བཀོད་པའོ།། མུ་འཐུད་འགོད་རྒྱུ།

Retrieved from "http://bo.wikipedia.org/w/index.php?title=User:Zurchen&oldid=97689"