ཀིརྟི་སྐུ་ཕྲེང་བཞི་པ་བློ་བཟང་འཇམ་དབྱངས་

མདོ་སྨད་པཱ་ལ་ཞེས་གྲགས་པའི་ས་གནས་སུ་ཡབ་འབུམ་ཐར་དང་ཡུམ་མེ་འགྱུ་གཉིས་ཀྱི་སྲས་སུ་རབ་བྱུང་བཅུགཅིག་པའི་མེ་སྤྲེལ(༡༦༥༦)ལོར་འཁྲུངས། 《སྟག་ཚང་ལྷ་མོ་ཀིརྟི་དགོན་གྱི་ལོ་རྒྱུས》གསར་རྩོམ་ནང་འདིའི་དགུང་རྙིང་མེ་སྦྲུལ་ཡིན་པར་བཤད་པ་ནོར)དགུང་ལོ་བཅུ་དྲུགནས་འདོན་ཆོས་སྤྱོད་དང་རིག་གནས་སོགས་ལ་སྦྱངས་པ་མཛད། དགུང་ལོ་ཉེར་དྲུག་པ་ལ་དབུས་སུ་བྱོན་ནསའབྲས་སྤུངས་བློ་གསལ་གླིང་གི་ཆོས་གྲྭར་ཞུགས་ཏེ་རྒྱལ་དབང་ལྔ་པ་རིན་པོ་ཆེ་དང་པཎ་ཆེན་རིན་པོ་ཆེའི་དྲུང་ནས་མདོ་སྔགས་ཀྱི་ཆོས་བཀའ་མང་དུ་གསན་ཞིང་དགེསློང་གི་སྡོམ་པ་བཞེས། རབ་བྱུང་བཅུ་གཉིས་པའི་ལྕགས་རྟ(༡༦༩༠)ལོར་གཞིས་དགོན་དུ་བླ་བྲང་ཐོག་མར་བརྩིགས། དགུང་ལོ་ང་གསུམ་པ་རབ་བྱུང་བཅུ་གཉིསཔའི་ས་བྱི(༡༧༠༨)ལོར་སྐུ་གཤེགས། 《སྟག་ཚང་ལྷ་མོ་ཀིརྟི་དགོན་གྱི་ལོ་རྒྱུས》གསར་རྩོམ་ནང་དགུང་ལོ་དྲུག་ཅུརེ་གཅིག་པ(༡༦༧༩)ལོར་གཤེགས་ཞེས་གསལ། ལོ་རྒྱུས་གནད་བསྡུས《མདོ་སྨད་ཆོས་འབྱུང》ལྕགས་དཔར་མའིཤོག་གྲངས་༧༡༧དང《སྟག་ཚང་ལྷ་མོ་ཀིརྟི་དགོན་གྱི་ལོ་རྒྱུས》ལྕགས་དཔར་མའི་ཤོག་གྲངས་༣༡ནས༣༣བར་གསལ་ལོ། །
༼དུང་དཀར་ཚིག་མཛོད་ཆེན་མོ་༽ནས་བཏུས།