ཟླ་བ་དང་པོ

ཟླ་༡ཚེས་༡

གཞོན་དུས་དགའ་བའི་ཆུང་མ་ངས་མ་བླངས། །

རྒས་དུས་དགོས་པའི་ནོར་རྫས་ངས་མ་བསགས། །

སྤྲང་པོའི་མི་ཚེ་ལྕགས་སྨྱུག་ལྷན་གཅིག་ཏུ། །

རྫོགས་པ་འདིན་ན་བདག་གི་སྣང་བ་སྐྱོ། །

དགེ་འདུན་ཆོས་འཕེལ།

ཟླ་༡ཚེས་༢

གཞན་ཕན་སྙིང་རྗེའི་སྣུམ་དང་བྲལ་ན་ཡང་། །

རིག་རྩལ་ཐབས་མཁས་གློག་གི་ཆོ་འཕྲུལ་གྱིས། །

དྲང་པོའི་མི་ལ་འཁྱོག་པོའི་ལམ་སྟོན་པ། །

སྤྲ་སེར་སྤྲེའུ་རིགས་ལ་དོགས་ཟོན་མཛོད། །

དགེ་འདུན་ཆོས་འཕེལ།

མི་རིགས་རང་ཉིད་ཤེས་རབ་སྙིང་སྟོབས་ཀྱི། །

ཡར་སྐྱེད་གོམ་པ་རང་སྤོས་མ་བྱས་པར། །

གཞན་གྱི་སྐྱོར་ཅིང་ལམ་ཁྲིད་ལ་བརྟེན་ན། །

བསྐལ་བརྒྱར་འདས་ཀྱང་རྗེས་ལུས་ཉིད་ལས་མེད། །

དོར་ཞི།