རོང་བན།
|
ཕྲན་ཆུང་ནི་རང་ལོ་བཅུ་གསུམ་ནས་བཟུང་སྟེ་བོད་ཡིག་ཀ་ཁ་སྦྱོང་བའི་གོ་སྐབས་ཐོབ་ནས་རང་ལོ་ཉི་ཤུ་ལ་སི་ཁྲོན་ཞིང་ཆེན་བོད་ཡིག་སློབ་གྲྭ་ནས་མཐར་ཕྱིན་པ་ཞིག་ཡིན། དེ་ནས་ད་བར་དུ་བོད་ཀྱི་སྐད་ཡིག་ཁོ་ན་ལ་བརྟེན་ནས་སློབ་གསོ་དང་སློབ་ཁྲིད་ཀྱི་བྱ་བ་ལ་འབད་པའི་ཁུལ་ཡིན།
རང་ལོ་ཞེ་བཞི་ལ་སླེབས་པའི་བོད་རབ་རྒྱན་ལྕགས་ཡོས་༼ སྤྱི་ལོ༢༠༡༡༽ལོ་འགོར་ཝེ་ཁེ་རིག་མཛོད་ཅེས་པའི་རང་དབང་གི་རིག་མཛོད་ཆེན་མོ་ཞིག་ཡོད་པའི་གཏམ་སྙན་རྣ་བའི་བདུད་རྩིར་གྱུར། འོན་ཀྱང་རང་ཉིད་གནས་ཡུལ་གྱི་རྐྱེན་ལས་ནར་འགྱངས་སོང་ནས་ས་ག་ཟླ་བའི་ཚེས༢༨ ཉིན་གཞི་ནས་ཝེ་ཁེ་བོད་ཡིག་རིག་མཛོད་དུ་ཐོ་དངོས་སུ་བཀོད་དེ་སྤྱོད་པ་པོ་ཞིག་ཏུ་གྱུར། རང་ཉིད་རོང་ཁོག་ཏུ་སྐྱེས་པའི་བནྡེ་ཞིག་ཡིན་པའི་ཆ་ནས་རོང་བན་ཞེས་པའི་མིང་འདི་བཀོལ་བ་ཡིན་ལ། ཕྱིན་ཆད་དུས་ཀྱི་ཁོམ་ལོང་གང་ཡོད་དང་བསྟུན་ནས་རིག་མཛོད་འདིར་རང་ནུས་དབྱུང་བའི་སྨོན་འདུན་བཅས་སྣྲོན་ཟླའི་ཡར་ཚེས་དང་པོར་སྦྱར་བའོ། ། ༢༠༡༡་༧་༢ ཉིན།